Timu ya taifa ya Tanzania Taifa stars yatoka sare ya kufungana goli 1-1 na Kenya

Timu ya taifa ya Tanzania Taifa stars yatoka  sare ya kufungana goli 1-1 na Kenya katika mchezo wa kirafiki uliochezwa katika mji wa Nairobi nchini Kenya.
Katika mchezo huo Taifa stars walikuwa wa mwanzo kupata goli kupitia kwa Elius Maguri aliyeunga kwa kichwa krosi ya Juma Abdul katika dakika ya 32 ya mchezo.

Kenya walisawazisha goli hilo katika dakika ya 39 kwa mkwaju wa penati uliopigwa na Victor Wanyama na kupeleka mchezo kwenda mapumiziko kwa sare ya goli 1-1.

Katika kipindi cha pili timu zote zilishambuliana kwa zamu huku kukifanyika mabadiliko kadhaa ya wachezaji kwa kila upande lakini matokeo yalibaki kuwa sare ya goli 1-1.
Mchezo huo wa kirafiki ulikuwa maalumu kwa ajili ya maandalizi ya mchezo dhidi ya Misri utakao chezwa juni 4 mwaka huu wa kutafuta nafasi ya kusaka nafasi kushiriki mataifa ya Afrika.