lingi za tanzania bara

MABINGWA watetezi wa Ligi Kuu ya Vodacom Tanzania Bara, Yanga SC leo wanateremka Uwanja wa Uhuru mjini Dar es Salaam kusunguana  na Njombe Mji FC katika mfululizo wa ligi hiyo.

Ikiwa ni siku mbili tu tangu wacheze ugenini, Uwanja wa Samora mjini Iringa na kuibuka na ushindi wa mabao 2-0 dhidi ya wenyeji, Lipuli – Yanga leo wanacheza tena.

Pamoja na ukweli kwamba wamekuwa na ratiba iliyowabana kucheza mechi mbili ndani ya siku ya nne tena mikoa tofauti, lakini Yanga hawajalalamika na wamejipanga kwa changamoto hiyo.

Katika mchezo wa leo, Yanga inaweza kuendelea kumkosa kipa wake namba moja, Youthe Rostand ambaye ni majeruhi.

Rostand alicheza kwa dakika 15 tu Jumamosi mjini Iringa kabla ya kuumia na kushindwa kuendelea na mchezo nafasi yake ikichukuliwa na kipa wa tatu, chipukizi Ramadhani Awam Kabwili aliyekwenda kumalizia vizuri.

Ikumbukwe Yanga pia kwa sasa inamkosa kipa wake wa pili, Benno Kakolanya ambaye alikuwa majeruhi, ingawa kwa wiki ya pili sasa taarifa za klabu zinasema amepona. 

Michezo miwili iliyopita, dhidi ya Ihefu Kombe la Azam Sports Federation (ASFC) mjini Mbeya na dhidi ya Lipuli, Yanga ilimkosa kiungo wake mshambuliaji mahiri, Ibrahim Ajib Migomba aliyeumia katika mechi dhidi ya Azam FC wiki mbili zilizopita.

Lakini kwa Yanga ya sasa chini ya kocha Mzambia, George Lwandamina kumekuwa hakuna mchezaji tegemeo katika timu anaweza kucheza yeyote na timu ikavuna matokeo mazuri.  

Habari njema zaidi ni kwamba mshambuliaji anayejituma zaidi katika timu, Obrey Chirwa yuko fiti kwa asilimia 100 na leo anatarajiwa kuendelea kuonyesha umuhimu wake katika klabu.

Mechi zaidi za Ligi Kuu zinatarajiwa kuchezwa kesho; vinara Simba SC wakiwakaribisha Azam FC Uwanja wa Uhuru pia, Mbao FC na Singida United Uwanja wa CCM Kirumba mjini Mwanza, Mwadui FC na Mtibwa Sugar Uwanja wa Mwadui Complex, Stand United na Lipuli FC Uwanja wa Kambarage mjini Shinyanga, Maji Maji na Tanzania Prisons Uwanja wa Maji Maji Songea na Ndanda FC na Mbeya City Uwanja wa Nangwanda Sijaona mjini Mtwara. 

Keshokutwa kutakuwa na mchezo mmoja wa Ligi Kuu kati ya  wenyeji, Ruvu Shooting na Kagera Sugar Uwanja wa Mabatini Mlandizi mkoani Pwani.

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

Mshambuliaji wa Simba, Laudit Mavugo akimlamba chenga mchezaji wa Ruvu Shooting anayejaribu kumzuia Mrundi huyo kwa mikono asiuwahi mpira katika mchezo wa Ligi Kuu ya Vodacom Tanzania Bara jana Uwanja wa Uhuru, Dar es Salaam. Simba ilishinda 3-0 

Mfungaji wa mabao mawili ya Simba jana, John Bocco akimtoka beki wa Ruvu Shooting, Rajab Zahir 

Mshambuliaji wa Simba SC, Mganda Emmanuel Okwi akivuta mguu kupiga mpira dhidi ya beki wa Ruvu Shooting, Damas Makwaya  

Kipa wa Ruvu Shooting, Abdallah Rashid akitokea kuokoa dhidi ya Nahodha wa Simba, John Bocco aliyemzidi beki Rajab Zahir aliyeanguka chini  

Beki Mghana wa Simba, Asante Kwasi akimiliki mpira mbele ya Issa Kanduru wa Ruvu Shooting   

Beki wa Simba, Yussuf Mlipili (kushoto) akiwania mpira wa juu dhidi ya mshambuliaji wa Ruvu, Fully Maganga

Mshambuliaji wa Ruvu Shooting, Abdulrahman Mussa akimiliki mpira mbele ya beki wa Simba, Erasto Nyoni 

Beki wa Simba, Shomary Kapombe akitoa pasi katikati ya wachezaji wa Ruvu

Kikosi cha Ruvu Shooting kwenye mchezo wa jana

Kikosi cha Simba SC kwenye mchezo wa jana